Vrasja e Niko Goros në Himarë, flet kryebashkiaku: E kam kushëri të largët, njihej si ndërtues i suksesshëm. Nuk kam patur dijeni për konfliktin

Kryebashkiaku i Himarës, Jorgo Goro ka folur pak orë pas vrasjes së biznesmenit Niko Goro në Himarë.

Në një prononcim për AbcNews, Goro është shprehur se të ndjerin e kishte kushëri të largët dhe kishte dëgjuar për suksesin e tij në biznes.

Ai shton se përsa i përket konfliktit me autorin nuk dinte gjë.

Niko Goron e kam pasur kushëri të katërt ose të pestë, të largët. Por e njihja si biznesmen të suksesshëm. Nuk isha në dijeni të konfliktit. Autorin nuk e njoh,”- tha kryebashkiaku Jorgo Goro.

Biznesmeni u ekzekutua mëngjesin e sotëm, në vendin e quajtur rrethrrotullimi, që të çon në lagjen Spille në Himarë nga shtetasi Kliti Leka.

Ky i fundit u kap vetëm pak orë pas krimit dhe momenti i shoqërimit shihet në videon e mëposhtme.

Pista e parë për të cilën po heton policia është një konflikt pronësie, për komplesin që po ndërtonte Goro, gjë të cilën e ka pranuar edhe vetë autori.

Ndërsa pista e dytë është një sherr mes 53-vjeçarit dhe viktimës për një borxh prej 70 mijë eurosh.

Niko Goro ishte baba i dy fëmijëve dhe njihet si ndërtues në zonën bregdetare. Ai është pronar i një kafeje të njohur në Himarë, e vendosur në pjesën qendrore të qytetit, përballë portit.

Please follow and like us:

Leave a Reply

Your email address will not be published. Required fields are marked *